ABŞ harbylary Pars aýlagy sebitinde goranyşy güýçlendirjekdiklerini aýdýar

Eýranyň soňky aýlarda täjirçilik gämilerini ele salmagyndan we olara azar bermeginden soň, Birleşen Ştatlaryň harbylary Pars aýlagy sebitinde goranyşy güýçlendirmek ugrunda iş alyp bararlar diýip, ABŞ-nyň resmileri 12-nji maýda aýtdylar.


ABŞ-nyň Harby deňiz güýçleriniň Bahreýnde ýerleşýän Bäşinji floty sebitdäki ýaranlar bilen Hormuz bogazynda patrullyk edýän gämileriň we uçarlaryň aýlanyşyny artdyrmak ugrunda işleýändigini mälim etdi.


"Eýranyň söwda gämilerini esassyz, jogapkärçiliksiz we bikanun ele salmagy we olara azar bermegi bes edilmeli" diýip, Deňiz flotunyň komandiriniň orunbasary admiral Bred Kuper (Brad Cooper) aýtdy.