Balkan welaýatynyň häkimiýetleri sebitiň gowaça meýdanlarynda otag işleriniň depginini güýçlendirdiler. Edara-kärhanalaryň işgärleri, harby birikmeleriň esgerleri we orta hünär mekdepleriniň okuwçylary mejbury pagta otagyna köpçülikleýin we ýatymlaýyn çekilýärler. Azatlyk Radiosynyň çeşmeleri bu işleriň batlanmagyna prezident Serdar Berdimuhamedowyň gowaça meýdanlaryna ideg işleriniň ýagdaýyndan nägile bolmagynyň sebäp bolandygyny aýdýarlar.
