Gazanyň esasy keselhanasynyň töwereginde agyr çaknyşyklar barýar

12-nji noýabrda Gazadaky saglyk resmileri we adamlar Ysraýylyň sebitiň iň iri keselhanasyndan çagalary we beýlekileri ewakuasiýa etmäge hemaýat berýändigi baradaky aýdanlaryny ret etdiler, şeýle-de çaknyşyklaryň desganyň daşynda dowam etdirilýändigini we elektrik ýaly zerurlyklaryň azalýandygyny aýtdylar.


Premýer-ministr Benýamin Netanýahu ähli zamunlar boşadylmasa, ok atyşyklary gyssagly bes etmek baradaky çagyryşlary kabul etmejekdigini aýtdy.


ABŞ we Ýewropa Bileleşigi tarapyndan terrorist gurama hökmünde häsiýetlendirilýän Hamas jeňçileriniň 240 zamuny saklaýandygy bellenilýär. Olar jeňçileriň 7-nji oktýabrdaky hüjüminde alnyp gaçylypdy. Bu waka urşuň başlamagyny hem öjükdiripdi.