Moskwada garyň ýüzünde “Urşa Ýok!” ýazany üçin, bir maýyp tussaglyga höküm edildi

Moskwada maýyp bir adam garyň üstünde “Urşa Ýok!” diýen sözleri ýazany üçin 10 gije-gündiz tussaglyga höküm edildi. Bu barada “Ägä boluň, Habarlar” Telegram kanaly maglumat berýär.


Dmitriý Fedorow Moskwanyň Gorkiý Park seýilgähinde garyň ýüzünde barmaklary bilen “Urşa Ýok!” diýen sözleri ýazyp, seýilgähden çykyp barýan mahaly polisiýa tarapyndan saklanypdyr.


Oňa garşy Russiýanyň armiýasyny abraýdan düşürmek we polisiýa işgärine boýun bolmazlyk aýyplamalary boýunça administratiw protokol ýazyldy. Şol bir wagtda, Fedorow polisiýa edarasyna meýletin gidendigini aýdýar.