Ýewropa tarapdar gürjüstanlylar parlament saýlawlarynyň öňünden ýygnanyşyk geçirýärler

Ýewropany goldaýan on müňlerçe gürjüstanly 20-nji oktýabrda köçelere çykyp, Günorta Kawkaz döwletiniň gitjek ugur-ýoluny kesgitlejek parlament saýlawlarynyň öňüsyrasynda dolandyryjy “Gürjüstan arzuwy” partiýasyna garşy ýygnanyşyk gurady.


Oppozisiýa toparlary 26-njy oktýabrda geçiriljek ses berişligiň Russiýa bilen dostana bolmakda aýyplanýan “Gürjüstan arzuwynyň” ýeňşi bilen tamamlanmagynyň demokratiýany peseldip, ahyrynda ýurduň Ýewropa Bileleşigine agza bolmak umydyny azaldyp biljekdigini duýdurdy.


Bu alada Günbatar paýtagtlarynyň hem köpüsinde bildirildi.


Günbatara tarapdar, “Gürjüstan Arzuwynyň” ýolbaşçylygyndaky hökümet bilen arasyny açan prezident Salome Zurabişwili oppozisiýany goldady we metbugat ýygnagynda "halkyň erkinlige, garaşsyzlyga we Ýewropa geljegine bolan islegini görkezmäge" kömek bermek üçin, bu ýygnanyşyklara gatnaşjakdygyny aýtdy.