Baýden, ozalky wadalaryna garaman, oglunyň günäsini geçýär

Prezident Jo Baýden 1-nji dekabr güni giçlik ogly Hanteriň günäsini geçip, prezidentiň adatdan daşary ygtyýarlyklaryny maşgala agzalarynyň peýdasyna ulanmajakdygy barada beren wadalaryny bozdy. Bu günä geçiş kiçi Baýdeniň federal ýarag we salgyt aýyplamalary esasynda azatlykdan mahrum edilmek ähtimallygynyň öňüni alýar.


Demokrat prezident öň Delawerde we Kaliforniýada seredilen iki jenaýat işinde günäli tapylan oglunyň günäsini geçmejekdigini ýa-da oňa çykarylan hökümi ýumşatmajakdygyny aýdypdy.


Bu çäre Hanter Baýdeniň ýarag meselesinde we salgyt aýyplamalary boýunça kesgitlenen kazyýet kararlary esasynda jeza berilmezinden birnäçe hepde öň, saýlanan prezident Donald Trampyň Ak Tama gaýdyp gelmeginden iki aý öň amala aşyryldy.