Gazagystandan Özbegistana benzin 'akdyran' gaçakçylar tutuldy

Daşkent sebitinde AI-92 belgili benzini bikanun getirmek we satmak bilen meşgullanan üç kanun bozujy saklandy, olaryň arasynda Gazagystanyň raýaty hem bar diýip, UzA neşiri 21-nji ýanwarda habar berdi.


Hukuk goraýjy guramalar 28 we 39 ýaşlaryndaky iki özbegiň, Gazagystandan Özbegistana bikanun benzin geçirmek we soň satmak üçin, Gazagystanyň bir raýaty bilen dil düwşendigini anykladylar.


Jenaýatçylar bu işi amala aşyrmak üçin Gazagystanyň Türküstan sebitiniň Saryagaş etrabyndan Daşkent sebitiniň Kibraý etrabyna çekilen ýerasty turbanyň içine şlanga ýerleşdirdiler.


Olara garşy jenaýat işi açylyp, derňew çäreleri görülýär. Mundan öň Gazagystan bilen serhetde nebit önümlerini Özbegistana bikanun getirmek üçin ulanylan başga bir gizlin ötügiň tapylandygy habar berlipdi.