Täjigistan bilen Eýranyň arasynda wizasyz gatnaw başlandy
“Bu çäre diňe iki ýurduň arasyndaky uçar gatnawlaryna degişli. Üçünji ýurtlaryň üstünden geçýän, ýa-da gury ýer serhetleriniň üsti bilen döwlet serhedinden geçýän raýatlar degişli wizalary almaly bolarlar" diýip, Daşary işler ministrligi aýtdy.
Täjigistanyň we Eýranyň raýatlary ol ýa-da beýleki ýurda has uzak möhlet bilen, okamak, işlemek we ş.m. üçin barýan bolsa, onda wiza almaly bolarlar.
Täjigistan bilen Eýran 2023-nji ýylyň noýabr aýynda wiza režiminiň ýatyrylmagy baradaky özara düşünişmek jarnamasyna gol çekdi.
Häzir bu ýurtlaryň arasynda hepdede üç sany uçar gatnawy bar we her hepde onlarça täjik syýahatçylyk, saglyk meselesi we ş.m. üçin Eýrana syýahat edýär.