Tramp palestinalylara ABŞ-nyň ‘eýeçiligine’ ýol açmak üçin Gazany terk etmegi teklip etdi

ABŞ-nyň prezidenti Donald Tramp 4-nji fewralda ýaşaýan ýerlerinden göçürilen palestinalylaryň Gaza zolagyny terk etmegi netijesinde, ABŞ-nyň kenarýaka territoriýasyna eýeçilik etmegine we ol ýeri ykdysady taýdan köp milletiň asudalykda ýaşap biljek “ajaýyp” ýerine öwürmegine ýol açyp biljek teklibini yglan etdi.


Tramp munuň palestinalylar ABŞ, Ýewropa Bileleşigi tarapyndan terror guramasy diýip kesgitlenen HAMAS bilen Ysraýylyň arasynda bir ýyldan gowrak wagt dowam eden uruşda ýykylan binalaryň "dowzah çukuryndan" çykarylyp, beýleki ýurtlara göçürilenden soň amala aşjakdygyny aýtdy.


Tramp bu garaşylmadyk teklibi Ysraýylyň premýer-ministri Benýamin Netanýahu bilen bilelikdäki metbugat ýygnagynda aýdyp, şu hili aýgytly ädimiň zerurdygyny, sebäbi palestinalylar bilen ysraýyllylaryň arasynda onlarça ýyllap dowam eden konflikti soňlamak baradaky beýleki pikirleriň netije bermändigini nygtady.