ABŞ-dan Merkezi Aziýanyň 1800-den gowrak raýaty deportasiýa ediler
Maglumata görä, 2024-nji ýylyň ahyrynda ýurduň häkimiýetleri dürli ýurtlaryň raýatlary bolan 1 million 445 müň 549 daşary ýurtlyny deportasiýa sanawyna goşupdyr.
Sanawda Merkezi Aziýa ýurtlarynyň arasynda Özbegistandan 975, Gazagystandan 369, Gyrgyzystan 319, Täjigistandan 149 we Türkmenistandan 40 adam görkezilýär.
Sanawdaky ilkinji üçlügi Meksikanyň (252,044), Gwatemalanyň (253,413), Gondurasyň (261,651) we El Salwadoryň (203,822) raýatlary düzýär. Şeýle-de, Hytaýyň 37,908 we Russiýanyň 3518 raýatynyň bardygy aýdylýar.
Bu adamlar tussaglykda däl, ýöne olar babatyda gutarnykly karar eýýäm kabul edildi diýilýär.
Prezident Donald Tramp kasam kabul ediş dabarasynda dessine ABŞ-nyň administrasiýasynyň "CBP One" programmasyny ýapmak bilen Meksikadan migrantlaryň girişini togtatmak kararyna gelipdi.
Baýdenyň administrasiýasy tarapyndan 2023-nji ýylda işe girizilen bu hyzmat migrantlara resmi giriş ýollary arkaly ABŞ-a barmak üçin wagt bellemäge mümkinçilik beripdi.