Kazyýet Elon Maskyň edarasynyň döwlet maliýeleşdiriş ulgamyna elýeterliligini çäklendirýär
Töleg ulgamy döwlet maliýeleşdirmeleri baradaky ähli maglumaty, şol sanda ýeňillik ýa-da ätiýaçlandyryş töleglerini alýan millionlarça amerikaly baradaky şahsy maglumatlary hem öz içine alýar.
Kazyýetiň kararynda aýdylmagyna görä, DOGE-iň – Hökümet netijeliligi departamentiniň raýatlara we kompaniýalara degişli maglumatlara elýeterliligi olara "ýerini dolup bolmajak zyýan" ýetirip biler diýip, CNN habar berýär.
Töleg ulgamy, beýleki zatlar bilen birlikde, yzyna gaýtarylyp berilýän salgyt tölegleri, maýyplyk tölegleri we döwlet işgärleriniň aýlyk haklary baradaky maglumatlary hem öz içine alýar.
Kazy Pol Engelmaýer şu ýylyň 20-nji ýanwaryndan soň, ýagny ABŞ-nyň täze prezidenti Donald Tramp işe başlanyndan soň açylan täze departament, DOGE işläp başlan pursadyndan bäri bu ulgamdan göçürilip alnan ähli maglumatyň ýok edilmegini buýurdy.
Bu deslapky karar bolup, bu kazyýet işi boýunça diňlenişik 14-nji fewralda geçiriler.