Türkmenistanda wise-premýer, ministr we häkim täzelendi

Türkmenistanyň prezidenti Serdar Berdimuhamedow hökümetiň 7-nji fewralda geçirilen giňişleýin mejlisinde nobatdaky kadr çalşygyny geçirdi.


Döwlet baştutany Mährijemal Mämmedowany hökümet başlygynyň medeniýet we köpçülikleýin habar beriş serişdeleri ulgamy boýunça orunbasary wezipesinden boşadyp, onuň ornuna Bahar Seýidowany belledi.


Serdar Joraýew öz eýeleýän iki wezipesinden boşadylyp, Mämmetguly Astanagulow maliýe we ykdysadyýet ministri, ÝB-niň halkara tehniki kömek baradaky milli utgaşdyryjysy, Bütindünýä bankynyň Türkmenistan boýunça dolandyryjysy wezipelerine bellenildi. Ozal bu wezipelerde Serdar Joraýew işleýärdi.


Şeýle-de, Soltanmyrat Soltanmyradow Ahal welaýatynyň häkimi wezipesinden boşadylyp, onuň ornuna Toýguly Nurmyradow häkim bellendi.


Türkmenistanda jogapkär wezipelere bellenen emeldarlaryň ýygy-ýygydan çalşyrylmagy adaty zat bolup, ilata wezipä bellenilýän we wezipeden aýrylýan emeldarlar barada hemişe doly we dogry maglumat berilmeýär. Olaryň käbiri başga işe geçýändigi üçin wezipesinden boşadylyp, soňra ýitirim bolýar.