Rubio Ysraýyl sapary wagtynda Hamasy Gazadan 'ýok etmeli' diýdi

ABŞ-nyň döwlet sekretary Marko Rubio Ysraýylyň Gaza zolagynda alyp barýan urus tagallalarynyň maksatlaryna doly goldaw berýändigini we ABŞ, Ýewropa Bileleşigi tarapyndan terror guramasy diýlip kesgitlenen Hamasyň “ýok edilmelidigini” aýtdy.


"[Hamas] dolandyryp biljek güýç ýa-da ugrukdyryp biljek güýç, ýa-da zorluk ulanmak wehimini salyp biljek güýç bolup galsa, parahatçylyk mümkin bolmaz" diýip, Rubio 16-njy fewralda premýer-ministr Benýamin Netanýahu bilen bilelikde geçirilen metbugat ýygnagynda aýtdy.


"Ol ýok edilmeli" diýip, ysraýyl goşunynyň 16 aýlyk kampaniýasyndan ozal Gazany dolandyran ekstremist toparyny nazarda tutup aýtdy.


Rubio Gazanyň harby ýa-da hökümet güýji bolup galmagyna ýol berilmejekdigini aýtdy.