Tramp iňlis dilini ABŞ-nyň resmi dili hökmünde yglan etmek barada karara gol çekdi
Munuň bilen, Birleşen Ştatlarda ilkinji gezek döwlet derejesinde resmi dil yglan edilýär, ýöne bu dil 30 ştatda onsuz hem resmi dil hökmünde ykrar edilýärdi.
“Iňlis dili biziň Respublikamyzyň esaslandyrylan gününden bäri, milli dil hökmünde ulanylýardy” diýip, Tramp 1-nji martda çap edilen kararynda aýtdy.
"Biziň Milletimiziň taryhdaky dolandyryş resminamalarynyň ählisi, şol sanda Garaşsyzlyk Jarnamasy we Konstitusiýa, iňlis dilinde ýazyldy. Şonuň üçin, iňlis dilini Birleşen Ştatlaryň resmi dili hökmünde yglan etmegiň wagty gelip, geçip barýardy" diýip, ol aýtdy.
"Milli derejede kesgitlenen dil jebis we ysnyşykly jemgyýetiň binýady bolup durýar, Birleşen Ştatlar umumy bir dilde erkin pikir alşylyp bilinýän raýatlyk bilen güýçlener" diýip, prezidentiň permanynda aýdylýar.
Käbir aktiwistler bu kararyň immigrasiýa meseleleri, saýlaw proseduralary we ýardamlara bolan elýeterlilik bilen bagly meselelerde iňlis dilinde gürlemeýän adamlara ýetirjek täsirine alada bildirdiler.