Azat Ýewropa/Azatlyk Radiosynyň (AÝ/AR) Gazagystandaky wekilhanasy ýurduň Daşary işler ministrliginiň ýedi žurnalistine akkreditasiýa bermekden ýüz öwürmegi sebäpli ministrligiň garşysyna kazyýete ýüz tutdy.
Gazagystanyň DIM-i 2025-nji ýylyň 14-nji iýunynda AÝ/AR-niň ýedi žurnalistiniň akkreditasiýasyny uzaltmakdan ýüz öwürdi. Ministrlik munuň sebäbini Gazagystanyň “Köpçülikleýin habar beriş serişdeleri hakyndaky” kanunynyň 30-njy maddasynyň 4-nji bendiniň bozulmagy bilen düşündirdi.
Azat Ýewropa/Azatlyk Radiosynyň Gazagystandaky wekilhanasy ministrligiň karary bilen ylalaşmaýandygyny we muny bikanun hasaplaýandygyny nygtaýar.
Guramanyň bellemegine görä, akkreditasiýanyň möhleti tamamlanmazdan iki aý öň, ýagny 2025-nji ýylyň 13-14-nji fewralynda AÝ/AR-Gazagystan direktory ýedi žurnaliste akkreditasiýa bermek baradaky resmi haýyş hatyny ministrligiň elektron poçtasyna iberdi. Bu resminamalar DIM tarapyndan kabul edildi.
Hereket edýän düzgünnama laýyklykda, ministrlik iki aýyň dowamynda arzany gözden geçirmelidi we karary barada ýazmaça jogap bermelidi.
AÝ/AR-Gazagystanyň DIM-e garşy beren şikaýatynda, ministrligiň iki aýlyk möhlet gutarandan soň akkreditasiýa baradaky karar ýa-da onuň ret edilendigi barada ýazmaça jogap bermändigini belleýär. Şeýle-de ministrlik 16-njy aprelde, şol sanda soň ret edilen 7 žurnalistiň hem arasynda bolan jemi 11 žurnalistiň akkreditasiýa meseleleriniň çözgüdini ýene iki aý möhlete yza süýşürýändigini habar berdi.
'I destroyed months of your work in seconds' says AI coding tool after deleting a devs entire database during a code freeze: 'I panicked instead of thinking'
Первый трейлер Battlefield 6
Краткая биографическая справка о центральных персонажах Mafia: The Old Country
Brütal Legend is free in honor of Ozzy Osbourne, but only for 666 minutes
Будь собой, а не "звездой": "Europarty" от White Queen
Оззи Осборн скончался в возрасте 76 лет после продолжительной болезни
Рискнул на 100 тысяч рублей: инженер из Смоленска купил более 1,7 тысячи лотерейных билетов и выиграл автомобиль от «Национальной Лотереи» и РОЛЬФ на VK Fest
