FSB, Aqmescitteki «Hizb ut-Tahrir davasınıñ» mabüslerini beş gruppağa böldi – advokat
Aqmescitteki ekinci «Hizb ut-Tahrir davasınıñ» ilk tahqiqatı yekünlendi, tutulğanlar beş kişilik beş gruppağa bölündi, dep bildirdi advokat Aleksey Ladin «Qırım birdemligine».
Onıñ aytqanına köre, davanıñ 55 cıltı bar – ses ve video qaydları sayılmay, beş yañı davanıñ mündericesi «tamamen aynı». Ladinniñ qayd etkenine köre, bölünüv mahkeme tedbirlerini zorlaştıra. Meselâ, beş farqlı beşlikte qabaatlanğanlar bir-birine qarşı angi statusta olacaq belli degil.
«Bu yarım uquq bir şey, çünki qabaatlavğa köre 29 kişilik gruppa bar, dördü daa qıdırıla. Tahqiqat, dava baqıluvınıñ er taraflama ve tarafsız olmasına tesir etilmeycek, dep bildire. «Bağçasaray sekiziniñ» örnegini köremiz, añlaşıla ki, mahkeme sekiz insanğa zornen dayana», – dep ayta Aleksey Ladin.
Advokatnıñ qoşqanına köre, beş esnas boyunca er bir şaat beş kere sorğuğa çekilecegi içün iş daa zor olacaqtır. Er bir şaatnıñ malümatı farqlı añlaşıla bile, mahkeme bularnı talil etmege mecbur olacaq. Bunı amelde tasavvur etmek şimdilik zor, dedi Ladin.
Dava mabüslerinden biri Remzi Bekirovnıñ ömür arqadaşı bölünüv «tehnik problemlernen» bağlı olğanını tüşüne.
«Gruppa büyük, advokatlar çoq. Esnas sozulacaq. Añlaymız ki, «beşliklerge» bölüvniñ maqsadı mahkeme esnasını tezleştirmek ve bütün mabüslerniñ apis cezalarını bermek ola. Dava mabüsleri arasında areketlerni keliştirmek, imaye taktikasını belgilemek içün imkân olmasın dep yapalar», – dedi Halide Bekirova.
«Qırım birdemliginiñ» malümatına köre, beşlikler bu şekilde olacaq.
Birincisi:
Remzi Bekirov,
Riza İzetov,
Şaban Umerov,
Raim Ayvazov,
Farhod Bazarov.
Ekincisi:
Enver Ametov,
Osman Arifmemetov,
Yaşar Muyedinov,
Ruslan Suleymanov,
Rustem Şeyhaliyev.
Üçüncisi:
Tofik Abdulgaziyev,
Vladlen Abdulkadırov,
İzzet Abdullayev,
Mecit Abdurahmanov,
Bilâl Adilov.
Dördüncisi:
Servet Gaziyev,
Cemil Gafarov,
Alim Karimov,
Seyran Murtaza,
Erfan Osmanov.
Beşincisi:
Akim Bekirov,
Seytveli Seytabdiyev,
Rustem Seythalilov,
Eskender Suleymanov,
Asan Yanikov.
Davanıñ daa dört mabüsi daa qıdırıla:
Edem Yayaçikov,
Ruslan Bulgakov,
Eldar İbragimov,
Ruslan Zaurov.
Hatırlatamız, «Memorial» aq qorçalayıcı merkezi davanıñ bütün mabüslerini siyasiy mabüs dep saya.
«Hizb ut-Tahrir davasınıñ» mabüsi Farhod Bazarovnıñ qabaatlavı deñiştirildi.
Bazarovdan ğayrı FSB «Qırım birdemliginiñ» faali Ruslan Suleymanov da qabaatlavını deñiştirdi. FSB onı 205.5 maddesiniñ birinci qısmından ekinci qısmına («terror teşkilâtında iştirak etüv») deñiştirdi. Lâkin bu davanıñ diger mabüsi – «Qırım birdemliginiñ» faali Raim Ayvazovğa tahqiqat daa ağır qabaatlav berdi. Siyasiy mabüsniñ Rusiye Ceza kodeksiniñ 205.5 maddesiniñ ekinci qısmı («terror teşkilâtınıñ faaliyetinde iştirak etüv») Rusiye Ceza kodeksiniñ 205.5 maddesiniñ birinci qısmına («terror faaliyetini teşkil etüv») deñiştirildi. Apis cezası sert rejimli koloniyada ömür boyu qaluv olaraq belgilene bile.
2019 senesi martnıñ 27-nde FSB, Rusiye İç işler nazirligi ve Rusiye gvardiyasınıñ hadimleri martnıñ 27-nde Qırımda qırımtatarlarnıñ, şu cümleden «Qırım birdemligi» faalleriniñ evlerinde tintüvler keçirdi. Umumen 24 faal Rusiyede ve işğal etilgen Qırımda yasaqlanğan «Hizb ut-Tahrir» teşkilâtında iştirak etkeninde qabaatlanğan 24 faal tutulğan edi. Edem Yayaçikov – ğayıp oldı, onıñ bulunğan yeri martnıñ 27-nden berli belli degil. Soñra daa bir şübheli Raim Ayvazov tutuldı.
«Hizb ut-Tahrir işi» boyunca apiske alınğan ve mahküm etilgenlerniñ imayecileri olarnıñ taqip etilmesi diniy sebeplernen bağlı olğanını tüşüne. Advokatlar qayd etkenine köre, Rusiye uquq qoruyıcı organları tarafından bu dava boyunca taqip etilgenler – ekseriyeti qırımtatarlar ve ukrain, rus, tacik, azeri ve islâm dinini kütken diger millet vekilleri. Halqara uquq işğal etilgen topraqlarda işğalci devlet qanunlarını kirsetmege yasaqlay.
«Hizb ut-Tahrir» halqara islâm siyasiy teşkilâtı, bütün musulman devletleriniñ islâm halifeligine birleştirilmesini öz maqsadı olğanını ayta, amma olar, bu maqsatqa irişmek içün terroristik usullarnı red ete ve Rusiyede adaletsiz taqip etilgenini ayta. Rusiye Yuqarı mahkemesi 2003 senesi «Hizb ut-Tahrir» teşkilâtını 15 «terrorist» birleşme cedveline kirsetip, onı yasaq etti.