Rusiye Çernigiv vilâyetiniñ sıñır boyu topraqlarını ateşke tutmağa devam ete – ukrayin arbiyleri
"Bugün saat 15:45-lerde Rusiye tarafından (ihtimal ki, AGS-tan) Senkovka meskün yerine 6 raketa uçıp keldi", - dep yazıla bildirmede.
Ukrayina arbiyleriniñ malümatına köre, ölgenler ve tehnika ğaybı yoq.
Ukrayina SQ Baş ştabınıñ mayısnıñ 22 tarihlı malümatında, Rusiye Sumı ve Çernigiv vilâyetleriniñ mesken yerlerini ve infraterkip obyektlerini ateşke tutmağa devam etkeni haber etildi.
Ukrayinağa qarşı Rusiye silâlı ücümi fevralniñ 24-nden sabadan berli devam ete. Rusiye ordusı arbiy ve vatandaş infrastrukturasınıñ esas obyektlerine avadan darbe endire, uçaq alanları, arbiy bölük, cermay bazaları, yaqıt stantsiyaları, kilse, mektep ve hastahanelerni viran ete.
Aprelniñ başında Moskva Ukrayina şimalinde faal olğanını toqtattı, dep bildirdi. Tezden Ukrayina akimiyeti Kıyiv, Çerniğiv ve Sumı vilâyetinde Rusiye arbiyleri qalmadı, dep ayttı.
Rusiye ordusı çekilgen soñ azat etilgen köy ve şeerlerde kütleviy öldürüv adiseleri aqqında belli oldı. Bazı ğarbiy liderler Rusiyeni cenk cinayetlerinde qabaatladı. Rusiye akimiyeti arbiyleriniñ öldürüvlerge alâqası bar olğanını inkâr etip, olarnı «uyduruv» dep adlandıra.
Rusiye Ukrayinağa qarşı basqıncılıq cenk alıp barğanını inkâr ete ve bunı maqsadı «askeriysizleştirüv ve denatsifikatsiya» olğan «mahsus operatsiya» dep adlandıra.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://krymrcriywdcchs.azureedge.net . Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.