World News in Tatar

Тамбов өлкәсе Тамбов шәһәре мәчетендә беренче ифтар мәҗлесе узды. Ифтарга меңгә якын кеше килгән. Тамбов мәчетендә ифтарлар көн саен Рамазан аенда узачак.

Биш көнлек эш атнасы режимында эшләүче Татарстан башкаласында яшәүчеләрне өч көнлек ял көннәре – 21, 22 һәм 23 февраль көннәре көтә. Бу Ватанны саклаучылар көнен бәйрәм итү белән бәйле.

Быел Татарстанда көчле су басулар булырга мөмкин.

КФУ профессоры Юрий Переведенцев фикеренчә, кискен җылыту һәм аномаль күләмдә кар яву аркасында республиканы су басарга мөмкин..

20 февральдә Апас мөхтәсибәтендә район имамнарының хисап-сайлау киңәшмәсе булды. Утырыш Татарстан Мөфтиенең мөхтәсибәтләр белән эшләү буенча урынбасары, Казанның «Мәрҗани» мәчете имам-хатыйбы Равил хәзрәт Зөфәров җитәкчелегендә узды. Әлеге чарада Татарстанның көньяк-көнбатыш төбәге казые, Тәтеш районы имам-мөхтәсибе Инсаф хәзрәт Җәләлетдинов, Апас районы башлыгы Айрат Җиһаншин, күрше-тирә районнарның имам-мөхтәсибләре, шулай ук Апас районы имамнары һәм абыстайлары катнашты.

Казан халкы һәм кунаклары 23 февральдә муниципаль парковкалардан бушлай файдалана алачак. Бу Ватанны саклаучылар көнен бәйрәм итү белән бәйле. Шулай ук машина кую урыннары гадәти рәвештә ял көннәрендә – 21 һәм 22 февральдә түләүсез эшли.

Гражданнарның ташламалы категорияләре MAX мессенджерында цифрлы ID күрсәтеп, мәдәният учреждениеләренә бушлай яки ташлама белән йөри алачак. Бу хакта Россия мәдәният министры Ольга Любимова хәбәр итте, аның сүзләрен «ТАСС» китерә.

Татарстан Рәисе Рөстәм Миңнеханов хәрбиләргә һәм аларның гаиләләренә ярдәм итүнең төп бурычларның берсе булуын билгеләп үтте. Үзенең MAX каналында ул Бөгелмәдә гуманитар ярдәм җыюда катнашкан хезмәт коллективларына, эшмәкәрләргә һәм битараф булмаган барлык кешеләргә рәхмәт белдерде.

Татарстан Рәисе Рөстәм Миңнеханов Бөгелмә механика заводында булды. Сәфәрдә аны Бөгелмә районы башлыгы Дамир Фәттахов озата йөрде, дип хәбәр итә ТР Рәисе матбугат хезмәте.

18 февраль көнне Актаныш районында Татарстан язучылар берлеге әгъзасы, шагыйрь, Саҗидә Сөләйманова исемендәге әдәби премия лауреаты Роберт Фәссах улы Сәлахиевның 75 еллык юбилее уңаеннан искә алу чаралары узды. Әлеге чарада күренекле әдип Факил Сафин, шагыйрә Лилия Гыйбадуллина, язучы Әлфия Ситдыйкова, шагыйрь Фәнәвис Дәүләтбаев катнаштылар. Бу хакта ТР Язучылар бүлеге матбугат хезмәте хәбәр итә.

Бөгелмә районы Татарстанның сәнәгать үзәкләренең берсе булып кала. Бу хакта республика Рәисе Рөстәм Миңнеханов район Советы утырышында белдерде, анда 2025 елга социаль-икътисади үсешкә нәтиҗә ясалды һәм 2026 елга бурычлар билгеләнде. Очрашу Яшьләр сараенда узды, дип хәбәр итә ТР Рәисе матбугат хезмәте.