World News in Tatar

Россиядә төзекләндерелергә тиешле иҗтимагый территорияләрне сайлау буенча Бөтенроссия тавыш бирү чарасын уздыру өчен волонтерларны теркәү башланды. Бу хакта 12 мартта Ростов-Дон шәһәрендә «Бердәм Россия» партиясенең «Нәтиҗә бар» округ хисап-программа форумында игълан иттеләр. Волонтерлар корпусына кушылырга теләүчеләр заявкаларны Добро.рф платформасында тапшыра ала, дип хәбәр итә ТР Яшьләр министрлыгы матбугат хезмәте.

Татарстанның Лаеш районында 1,3 миллиард сумга янгын сүндерүчеләр һәм коткаручылар өчен укыту-күнегүләр комплексы төзергә ниятлиләр. Шул хактагы тендер дәүләт сатып алулары сайтында урнаштырылган.

Чаллы шәһәр суды Кулланучыларның хокукларын яклау һәм кеше иминле өлкәсендә күзәтчелек федераль хезмәте (Роспотребнадзор) таләбе белән тәмәке продукциясе сата торган онлайн-кибетне япкан. Бу хакта Роспотребнадзорның ТР буенча идарәсе матбугат хезмәтендә хәбәр иттеләр.

«Бердәм Россия» партиясе Генераль советы утырышында аның әгъзалары 2026 елгы сайлау кампаниясенә әзерлекнең төп өстенлекләрен билгеләде. Чарада «Бердәм Россия» партиясе Генераль советы әгъзасы, Казан шәһәр Думасы депутаты Марсель Шәрәпов та катнашты.

21 мартта «Казан Экспо»да булачак концерт уңаеннан Казан – Аэропорт - Казан маршрутында өстәмә поездлар билгеләнәчәк, дип хәбәр итә «Содружество» компаниясе матбугат хезмәте.

Татарстанда полиция хезмәткәрләре өч көн эчендә миграция законнарын бозуның 575 очрагын теркәгән. Рейдлар «Легаль булмаган мигрант» операциясе кысаларында узды, дип хәбәр итә ТР буенча Эчке эшләр министрлыгы матбугат хезмәте.

ТР Рәисе матбугат хезмәте җитәкчесе Лилия Галимова Татарстан Рәисе Рөстәм Миңнехановның Кытайның Ухань шәһәренә сәфәре барышында пилотсыз такси технологиясен сынау турында сөйләде.

В рамках духовно-нравственного воспитания, в священный месяц Рамадан, коллектив Дома культуры с. Денискино организовал для учащихся младших классов увлекательную квест-игру под названием «Рамадан». Это мероприятие стало событием, призванным приобщить юное поколение к богатству исламских традиций и духовным ценностям.

Самара өлкәсе Денис авылы мәдәният йорты коллективы башлангыч сыйныф укучылары өчен «Рамазан» дип аталган мавыктыргыч квест-уен оештырды. Бу хакта Бөтендөнья татар конгрессы матбугат хезмәте хәбәр итә.

ТР Рәисе матбугат хезмәте җитәкчесе Лилия Галимова Телеграм-каналында Рөстәм Миңнехановның Кытайга сәфәре вакытында төшерелгән видео урнаштырды, анда Татарстан Рәисе чәчәк аткан магнолия фонында сурәтләнгән.