Республика клиник хастаханәсендә кабат Covid-госпиталь ачыла

(Казан, 21 гыйнвар, «Татар-информ», Эвелина Киселёва). 23 гыйнвардан Татарстан Республика клиник хастаханәсендә Covid-19 вирусын йоктырган кешеләрне яңадан кабул итә һәм дәвалый башлаячаклар.

«Төзекләндерү эшләреннән соң, Республика клиник хастаханәсендә инфекция госпитале янәдән эшли башлый. Клиника табиблары эшләүләрен узган елдагы кебек үк дәвам итәчәк», — диде «Татар-информ»да матбугат очрашуында Татарстан сәламәтлек саклау министры урынбасары Владимир Жаворонков.