(Казан, 13 март, «Татар-информ»). Узган тәүлектә Татарстанда 600 кеше Covid-19 инфекциясен йоктырган. 87 кеше хастаханәдә дәвалана. «Авыручылар арасында 100 бала да бар», — дип ачыклык керттеләр Татарстан Сәламәтлек саклау министрлыгының матбугат хезмәтендә. Яңа очракларның күбесе Казан (158), Чаллы (123) һәм Әлмәт районында (46) ачыкланган. Түбән Кама районында 27 кеше, ә Яшел Үзәндә 23 кеше ковид йоктырган. Пандемия башланганнан республикада коронавирус диагнозы 130 558 тапкыр куелган. 111 меңгә якын кеше (узган тәүлектә — 1852) коронавирустан терелгән.
