Мәктәп укучылары өчен Бөтенроссия тикшерү эшләре көзгә күчерелде

(Казан, 21 март, «Татар-информ»). Гомуми белем бирү оешмалары укучылары өчен Бөтенроссия тикшерү эшләре яздан көзгә күчерелде.

«Бөтенроссия тикшерү эшләре бөтен Россия буенча көзгә күчерелде. Әмма ата-аналардан борчылмауларын сорыйбыз. Төп дәүләт имтиханнары һәм Бердәм дәүләт имтиханнары тиешле вакытта узачак. Бүген үк БДИның вакытыннан алда чоры башланды», — дип сөйләделәр «Татар-информ»га ТР Мәгариф һәм фән министрлыгының матбугат хезмәтендә.

Быелгы уку елында Бөтенроссия тикшерү эшләре 4-8 һәм 10-11 сыйныфлар укучылары өчен узарга тиеш.