Мәскәү Сабан туенда өч авырлык категориясендә көрәшәчәкләр
2 июльдә Мәскәүнең «Коломенское» музей-тыюлыгында Сабан туе узачак. Оештыручылар барлык теләүчеләрне дә милли көрәштә катнашырга чакыра.
Мәскәү Сабантуйларында көрәш турнирын 20 елдан артык Мәскәү татарлары автономиясе президиумы әгъзасы, «Сабантуй 2022» оештыру комитеты рәисе урынбасары Җәфәр Фәйзрахманов җитәкли. Бу хакта «Мәскәү шәһәре татарлары милли-мәдәни автономиясе» төбәк иҗтимагый оешмасы сайтында хәбәр ителә.
Көрәш 75 килограммга, 85 килограммга кадәрге һәм 85 килограммнан югары авырлык категорияләрендә узачак.