Ульяновск өлкәсендә автобус һәм йөк машинасы бәрелешкән, унбиш кеше һәлак булган
Бүген Ульяновск өлкәсенең Николаевка районында трассада йөк автомобиле каршы як полосага чыккан һәм минивэн белән кара-каршы бәрелешкән. Бу хакта ТАСС агентлыгы Эчке эшләр министрлыгының төбәк идарәсенә сылтама белән хәбәр итә.
Агентлык чыганагының соңгы мәгълүматлары буенча, авария нәтиҗәсендә 15 кешенең гомере өзелгән.
Якынча мәгълүматлар буенча, микроавтобус салонында 18 кеше булган. Урында ашыгыч хезмәтләр һәм табиблар эшли.