Иммунолог киләчәктә булачак яңа төрле пандемияләр турында сөйләде
Грипп вирусы 2024 елда пандемия кебек булырга мөмкин. Моннан ун ел элек шулай булган иде. Иммунолог Николай Крючков ura.ru өчен биргән әңгәмәсендә шулай дип белдергән. РИА Новости шул хакта яза.
«Быел булуына шикләнәм, әмма грипп пандемиясе булачак. Мәсәлән, киләсе елның көзеннән гриппның пандемия формасы барлыкка киләчәк, һәм бу ким дигәндә бер тулы сезонлык булачак. Ул 2009 һәм 2010 еллардан начаррак булырга мөмкин. Бу 2024 елның көзендә булырга мөмкин», – диде белгеч.
Крючков белдерүенчә, грипп пандемия кебек булса да, ул коронавирустан авыррак булмаячак.
«Барыбер яңа коронавирус инфекциясе гриппка караганда куркынычрак булачак. Нәтиҗәләре, үлемгә китерү буенча COVID беренче урында булачак, хәтта ул шартлы сезонлы формага күчкәндә дә. Грипп икенче урында булыр. Алга таба респиратор-синцитиаль вирус һәм башка инфекцияләр булачак», – дип раслый ул.
Коронавирус инфекциясенең шартлы сезонлы формасы көзгә чыгарга мөмкин, дип өстәде Крючков.