Айдар Метшин: Марат Садыйков медицина ярдәменең сыйфатын күтәрүгә зур өлеш кертте
Арабыздан киткән Татарстанның сәламәтлек саклау министры Марат Садыйков профессиональ җитәкче, патриот, дәүләт эшлеклесе иде. Мондый сүзләрне Россия Дәүләт Думасы депутаты Айдар Метшин мәрхүмнең туганнары һәм якыннарына җибәргән кайгынамәдә җиткерде.
«Бүгенге көннән безнең янәшәдә Марат Наил улы булмаячагын аңлау кыен, ул үз эшчәнлегенең төре буенча, җан авазы чакыруы белән һәрвакыт кешеләргә ярдәмгә килә иде. Марат Наил улы Татарстанның сәламәтлек саклау системасын үстерүгә, медицина ярдәменең сыйфатын күтәрүгә, гражданнарның сәламәтлеген саклауга зур өлеш кертте. Марат Наил улының гаиләсенең, якыннарының тирән кайгысын уртаклашам», – диде Метшин.
- Татарстанның сәламәтлек саклау министры Марат Садыйков вафат
- Бәхилләшергә теләүчеләр күп булу сәбәпле, Марат Садыйков белән хушлашу урынын үзгәрттеләр