Рөстәм Миңнеханов Шамил Агеевны «ТАССР төзелүнең 100 еллыгы» медале белән бүләкләде
Татарстан Рәисе Рөстәм Миңнеханов «ТР Сәүдә-сәнәгать палатасы» берлеге рәисе Шамил Агеевны «ТАССР төзелүнең 100 еллыгы» медале белән бүләкләү турындагы карарны имзалады. Документ хокукый мәгълүмат порталында чыкты.
«Татарстан Республикасының социаль-икътисади потенциалын ныгытуга зур өлеш кертүе һәм күпьеллык нәтиҗәле хезмәте өчен», диелгән карарда.
Дәүләт бүләге ТАССР оешуның 100 еллыгына расланды. Карар 2019 елның 25 сентябрендә Татарстан Дәүләт Советы утырышында хупланды, 2019 елның октябрендә медальне Рөстәм Миңнеханов раслады.