Татарстанда торак төзү буенча план 61 процентка үтәлгән
Ел башыннан Татарстанда 1,918 миллион квадрат метр торак, ягъни планлаштырылган күләмнең 61 проценты файдалануга тапшырылган. Бу хакта бүген ТР Хөкүмәте йортында узган киңәшмәдә ТР төзелеш министры Марат Айзатуллин хәбәр итте.
ТР җитәкчесенең матбугат хезмәте хәбәр иткәнчә, барлык районнар белән киңәшмәне видеоконференция режимында Татарстан Республикасы Рәисе Рөстәм Миңнеханов үткәрде. Чарада ТР Премьер-министры Алексей Песошин һәм ТР Дәүләт советы Рәисе Фәрит Мөхәммәтшин катнашты.
Хәзерге вакытта шәхси торак төзү буенча план үтәлгән диярлек. 10,8 меңгә якын йорт, яки 96 процент файдалануга тапшырылган.
2024 елга социаль ипотека программасын гамәлгә ашыру 53 процентка җиткән. Гомуми мәйданы 85 мең квадрат метр булган 24 йорт тапшырылган. План 53 процентка үтәлгән.
Коммерцияле торак төзелеше 26 процентка үтәлгән. Гомуми мәйданы 379 мең квадрат метр булган 71 күп фатирлы йорт файдалануга тапшырылган.
Моннан тыш, ятим балаларны торак белән тәэмин итү программасы буенча 39 бина буенча контрактлар төзелгән. Торак мәйданы Россия бюджетыннан өстәмә финанслау хисабына сатып алына.
2024 елда программада 84 яшь гаилә катнаша. 24 алучы инде акчаларны торак сатып алуга кулланган, калган 60 алучы әлегә туры килә торган вариантларны сайлау белән шөгыльләнә. «Биш һәм аннан да күбрәк балалы күп балалы гаиләләр» категориясе вәкилләре дә шул ук стадиядә.
Биш алучы арасыннан дүрт гаилә «Мәҗбүри күченүчеләр, Ерак Төньяктан күченеп кайтучылар һәм чернобыльчеләр» категориясендә торак сатып алган.
«Торак» федераль программасы кысаларында быел Татарстанда дүрт объект төзелә. Аларның әзерлеге хәзерге вакытта 7 процентны тәшкил итә. «Авыл территорияләрен комплекслы үстерү» дәүләт программасы 4 процентка үтәлгән.