Россиядә махсус хәрби операциядә катнашу турында белешмә алу тәртибе гадиләштерелде
Россия Хөкүмәте махсус хәрби операциядә катнашу турында белешмә алу процедурасын гадиләштерде. 1 ноябрьдән аны Дәүләт хезмәтләре порталы аша алып булачак. Министрлар Кабинеты сайтында шул хакта хәбәр ителә.
Белешмә төбәк хакимиятләреннән социаль ярдәм чараларын алу өчен кирәк.
Элегрәк белешмәнең бердәм үрнәге юк, аны хәрбиләр үзләре һәм аларның туганнары алганда кыенлыклар туа иде.