Махсус операция хәрбие Түбән Кама халкына ярдәм өчен рәхмәт әйтте

Махсус операциядә катнашучылар Түбән Кама районы халкына ярдәм һәм посылкалар җибәргән өчен рәхмәт әйтте.

«Күрсәтелгән ярдәм өчен рәхмәт. Түбән Кама шәһәренә оператив эш өчен аерым рәхәт әйтәсе килә. Бу катлаулы чорда иң мөһиме – бердәм булып калу, Ватанга булган бурычны онытмау. Җиңү бездә булачак», – дип сөйли Патрик позывнойлы хәрби.

Халыклар бердәмлеге көне алдыннан Түбән Кама халкы Курск өлкәсендә яшәүчеләргә 23 тонна төзелеш материалы, ГСМ, маскировка челтәрләре, җылы кием-салым һәм хәрбиләргә исемле посылкалар җибәрде. Гуманитар йөкне төяргә мәктәп укучылары да кушылды. Алып бару өчен транспортны Дәүләт Думасы депутаты Айдар Метшин биргән.

«Бөтен шәһәр белән җыйдык. Һәр түбәнкамалыга катнашканы өчен зур рәхмәт. Аеруча кыйммәтлек йөк – хәрбиләргә хатыннарыннан, балаларыннан һәм әниләреннән посылкалар. Егетләр, көтегез!» – дип сөйләде шәһәр мэры Рамил Муллин.

Барлык теләүчеләр ярдәм җыю пунктына килә ала. Түбән Камада алар Химиклар проспекты 72Б; Студентлар урамы 9, 13; Лесная урамы 55; Южная урамы 5А адреслары буенча урнашкан. Бөтен авылларда СТОСлар һәм башлыклар оештырган җыю пунктлары бар.

2 сентябрьдән Татарстанда РФ Саклану министрлыгы белән контракт төзүчеләргә 2 миллион сумга кадәр акча бирелә. Акчаның күләме арту республикада түләүләр күтәрелүгә бәйле.

РФ Кораллы көчләре сафларында контракт буенча хезмәт итү, шулай ук премияләр, ташламалар һәм түләүләр турында heroes-tatarstan.ru сайтында яки 117 телефоны буенча белергә була. Шулай ук Контракт буенча хәрби хезмәткә сайлап алу пунктына (1нче разряд) мөрәҗәгать итәргә мөмкин. Адресы: Казан, Аэропорт урамы, 1/40; телефоны: (843) 221-44-52. Моннан тыш, 8 800 222 59 00 номеры буенча мөрәҗәгать итәргә була.