Россиялеләрнең кредитлар буенча бурыч суммасы бер ел эчендә өчтән бергә арткан

Быелның беренче тугыз аенда Россиядә кредит һәм займнар буенча бурычларны түләттерү турында гомуми суммасы 1,44 трлн сум булган 10,9 млн производство ачылган. Бу хакта ФССПга сылтама белән РБК яза.

Бер елда түләнмәгән бурычлар суммасы өчтән бергә арткан (+34,2 процент). Гыйнвар-сентябрь айларында түләтелгән бурыч күләме узган елдагы нәтиҗәдән артып китте (1,41 трлн сум).

Гыйнвар-сентябрь өчен приставлар башкаруында гражданнарга карата 3,37 трлн сумлык 24,4 млн производство булган.

Элегрәк РФ Хөкүмәте ил гражданнары өчен кулланучылар кредитларын бирүгә үз-үзен тыю мөмкинлеген раслады. Норма киләсе елның 1 мартыннан үз көченә керә.