Белоруссиядә террорчылыкка каршы операция режимы кертелде
Белоруссия дәүләт иминлеге комитеты республика Эчке эшләр министрлыгы үткәрә торган команда-штаб өйрәнүләре кысаларында Гродно һәм Гродно районы территориясендә террорчылыкка каршы операция режимы кертте. Бу хакта көч ведомствосына сылтама белән БЕЛТА агентлыгы хәбәр итә.
«Тикшерү чаралары үткәрелә торган зонада хәрби һәм башка төрле махсус техника җәлеп итү, көчәйтелгән контроль кертү һәм юл хәрәкәтен чикләү каралган», - диелә карарда.
Элегрәк РФ Президенты Владимир Путин Россиянең яңартылган атом-төш доктринасын раслады. Документ нигезендә, Мәскәү Россиянең генә түгел, Белоруссиянең дә суверенитеты һәм территориаль бөтенлегенә кискен куркыныч янаган очракта массакүләм юк итү коралын кулланырга мөмкин.