Казан телеманарасында Татарстан Дәүләт флагы көне уңаеннан төсле утлар кабыначак
Бүген Казан телеманарасында Татарстан Дәүләт флагы көне уңаеннан төсле утлар кабыначак. Бу хакта ТР башкаласы мэриясенең матбугат хезмәте хәбәр итә.
Казанлылар тематик иллюминацияне 17.00 сәгатьтән 23.00 сәгатькә кадәр күзәтә ала.
«Ак Барс Арена» медиафасадында да бәйрәм контенты барлыкка киләчәк.
Татарстан флагы 1991 елның 29 ноябрендә ТАССР Югары Советы карары белән гамәлгә куела.