Теләче районында «Солдат егеткә Яңа ел күчтәнәче» акциясе бара
Теләче районында «Солдат егеткә Яңа ел күчтәнәче» акциясенә старт бирелгән иде. Волонтер кызлар, бүгенге көндә, хәрби операция зонасында хезмәт итүче егетләргә Яңа ел күчтәнәче әзерли. Бу хакта «Теләче» сайтында хәбәр ителә.
«Пакетларга җылы носки, футболка, дымлы салфетка, баллы ризыклар, открыткалар салачакбыз», – диде алар.
«Хөрмәтле райондашлар, сезне дә әлеге акциягә кушылырга чакырабыз! Сорауларыгыз туса, 89393346906 номерына шалтырата аласыз», – диелгән хәбәрдә.