Татарстанда буран сәбәпле, күз күреме 500 метр һәм аннан да азрак була
Бүген һәм иртәгә Татарстанда һава шартларының җитди начараюы көтелә. Бу хакта ТР Гидрометеорология үзәге хәбәр итә.
13 декабрьдә республикада иртәнге һәм көндезге сәгатьләрдә урыны белән буран булачак, күз күреме 500-1000 метрга кадәр кимиячәк.
Моннан тыш, пәнҗешәмбе кичендә, җомга көнне көндез һәм төнлә төбәктә бозлавык фаразлана. Бу вакытта юлларда бозлавык һәм кар көртләре барлыкка килә.
«Татар-информ» хәбәр иткәнчә, синоптиклар Татарстанга бу атнада 15 сантиметрга кадәр кар капламы ятуын һәм буран вәгъдә иткән иде.