Google Play Россиядә эшләнгән түләүле кушымталардагы түләүләрне туктатачак
25 декабрьдә 22:00 сәгатьтән башлап, Россиядә Google Play «Россиядә теркәлгән банк счеты белән эшләүчеләргә кушымталар өчен түләүләрне «билгесез вакытка кадәр» туктатып торачак. Компаниянең бу хәбәрен Habr порталы чыгарган.
Хаттагы мәгълүматлар буенча, 2024 елның 25 декабрендә Тын океан вакыты буенча 00:00 сәгатьтән (Мәскәү вакыты белән 22:00 сәгать) башлап, компания кулланучыларның түләүле кушымталар алуны, кушымталарда нәрсәдер сатып алуны (шул исәптән яңа язылуларны да) һәм язылуларны Google Play түләүләре аша озайту омтылышын кире кага башлаячак.
Иң ахыргы түләү счетларга 2025 елның 15 гыйнварында киләчәк. Шул көннән соң Google керемне күчерү өчен Россиядә ачылган банк счетларын куллана алмаячак.
Искәртеп үтик, баштарак Google AdSense реклама сервисы Россиядә эшләүне тулысынча туктатырга һәм Россия халкының бөтен исәп-хисап язмаларын деактивацияләргә карар кылган иде. Шуннан соң Россиядәге барлык блогерларның да монетизациясе сүндерелде.