Әлмәт башкарма комитеты җитәкчесе балаларның хыялларын чынга ашырачак
Әлмәт районы башкарма комитеты җитәкчесе Гүзәл Хәбетдинова дүрт баланың хыялын гамәлгә ашырачак. Ул «Теләкләр чыршысы» бөтенроссия хәйрия акциясендә катнаша. Бу хакта «Әлмәт таңнары» җирле администрация матбугат хезмәтенә сылтама белән хәбәр итә.
13 яшьлек Ратмир өчен башкарма комитет җитәкчесе чыбыксыз наушниклар алачак. Ә апалы-сеңелле Марина белән Ангелинага мигалкалы төнге яктырткыч һәм тимераяклар бүләк ителәчәк.
Пульт белән идарә торган машина 7 яшьлек Богданга эләгәчәк. Теләкләр чыршысы администрация бинасында урнашкан. Һәркем открытка сайлый һәм катлаулы тормыш шартларына эләккән балаларның хыялын тормышка ашыра ала.
Акциядә 100дән артык әлмәтле катнашты, дип билгеләп үтә хакимият вәкилләре.