Чаллы башкарма комитеты хәрби гаиләсен уллары туу белән котлады

Чаллыда Кама балалар медицина үзәгендә хәрби хезмәткәрнең яңа туган баласын чыгардылар. Нәфис исемле хәрбинең гаиләсендә малай туды. Әнисе Оксананы һәм яңа туган сабыйны олы балалары да каршы алды.

Хәрбине гаиләсе ишәю белән шәһәр башкарма комитеты җитәкчесе Фәрит Сәләхов котлады. Ул яшь әнигә шәһәрдән бүләкләр һәм 100 мең сум акча тапшырды: бу Чаллыда традициягә әйләнде.

Тантанада ир белән хатынның әти-әнисе дә булды.

2 сентябрьдән Татарстанда РФ Саклану министрлыгы белән контракт төзүчеләргә 2 миллион сумга кадәр акча бирелә. Акчаның күләме арту республикада түләүләр күтәрелүгә бәйле.

РФ Кораллы көчләре сафларында контракт буенча хезмәт итү, шулай ук премияләр, ташламалар һәм түләүләр турында heroes-tatarstan.ru сайтында яки 117 телефоны буенча белергә була. Шулай ук Контракт буенча хәрби хезмәткә сайлап алу пунктына (1нче разряд) мөрәҗәгать итәргә мөмкин. Адресы: Казан, Аэропорт урамы, 1/40; телефоны: (843) 221-44-52. Моннан тыш, 8 800 222 59 00 номеры буенча мөрәҗәгать итәргә була.