Песошин Татарстанда яңа энергетика объектларын эшләтеп җибәрү тантанасында катнашты

ТР премьер-министры Алексей Песошин Казанда һәм республикада яңа энергетика объектларын файдалануга тапшыру тантанасында катнашты. Сүз Татарстанның Лаеш районындагы «Водозабор» (ПС 110 кВ Водозабор) подстанциясе, 110 кВ кабель линияләренең яңа участоклары, шулай ук «Сокуры» (ПС 110 кВ Сокуры) подстанциясе турында.

Чарада шулай ук «Сетевая компания» АҖ генераль директоры Илшат Фәрдиев һәм республиканың энергетика комплексы вәкилләре катнашты.

Песошин билгеләп үткәнчә, «Татарстан Республикасы икътисадының заманча үсеше ышанычлы энергетика белән тәэмин итүдән башка мөмкин түгел». Шуңа күрә энергетикларның приоритетлы бурычы – кулланучыларны җитәрлек күләмдә тиешле сыйфаттагы электр энергиясе белән тәэмин итү. Сәясәтче шулай ук ассызыклаганча, ел саен яңа җитештерүләр ачыла, шулай ук елдан-ел электр энергиясен куллану күләмнәре арта, дип китерә премьер-министр сүзләрен ТР Хөкүмәте матбугат хезмәте.