Казан аэропортында чикләүләр гамәлдән чыгарылды
Казан аэропортында һава судноларын кабул итү һәм озатуга карата кертелгән чикләүләр гамәлдән чыгарылды. Росавиациянең рәсми вәкиле шулай дип белдерде.
«Казан аэропортында Мәскәү вакыты белән 10.00 сәгатьтән һава судноларын кабул итү һәм озатуга карата кертелгән чикләүләр гамәлдән чыгарылды», - диелә хәбәрдә.
Элегрәк «Татар-информ» агентлыгы «Казан» халыкара аэропорты эшендәге вакытлы чикләүләр турында хәбәр иткән иде. Чикләүләр очышларның иминлеген тәэмин итү максатыннан кертелде, дип өстәделәр Росавиациядә.