Володин Миңнехановны Яңа ел белән котлады: Ил алга таба атлый
Азагына якынлашып килүче 2024 ел «әһәмиятле вакыйгаларга бай булды» һәм Россия, сынауларны җиңеп чыгып, алга таба үсәргә сәләтле булуны күрсәтте. Бу хакта РФ Федераль Җыен Дәүләт Думасы Рәисе Вячеслав Володин Татарстан Рәисе Рөстәм Миңнехановны якынлашып килүче Яңа ел һәм Раштуа белән котлавында белдерде.
«Узып баручы ел илебез, сынауларны җиңеп чыгып, бердәмләшеп, алга таба атлауны, алга таба үсүне күрсәтте», - дип ассызыклады парламент түбән палатасы спикеры.
«Якынлашып килүче 2025 ел куелган максатларга ирешү вакыты булсын, гражданнар өчен уңышлы һәм имин ел булсын, һәр гаиләгә бәхет һәм шатлык алып килсен», - дип теләде сәясәтче.
«Сезгә нык сәламәтлек һәм барлык иң изге теләкләрне телим», - дип йомгаклады Вячеслав Володин.