Яңа ел төнендә Татарстанда 66 бала туган
Татарстанда 31 декабрьдән 1 гыйнварга каршы төндә 66 бала туган. Бу хакта Татарстан Сәламәтлек саклау министрлыгы матбугат хезмәтендә сөйләделәр.
2025 елда беренче бала Казанның Садыков исемендәге 7нче хастаханәнең перинаталь үзәгендә туган. Яңа туган малайның авырлыгы 3480 грамм, буе 54 сантимертр, балага Апгар шкаласы буенча 8 балл бирелгән. Табиблар баланың сәламәтлеген яхшы дип бәяли.