Россиялеләргә 2025 елда пенсиягә чыгу шартлары турында сөйләделәр

2025 елда билгеле бер яшькә җитү белән генә пенсиягә чыгып булмаячак – билгеле бер күләмдә шәхси пенсия коэффициентлары һәм стаж тупларга кирәк, дип белдерде «Югары икътисад мәктәбе» илкүләм тикшеренү университетының хокук факультеты деканы, профессор Вадим Виноградов «Прайм» агентлыгына. Бу хакта РИА Новости агентлыгы хәбәр итә.

«Шәхси пенсия коэффициенты түләнгән пенсия взнослары күләме, эш стажының озынлыгы һәм пенсия ала башлауны кичектерү фактыннан чыгып исәпләнә. 2025 елда пенсиягә чыгу өчен ким дигәндә 30 шәхси пенсия коэффициенты кирәк», - диде ул.

2025 елда минималь кирәкле стаж – 15 ел, аңа декрет ялы, больничныйлар, эшсезлек буенча мәшгульлек үзәгендә теркәлгән чор һәм хезмәт килешүләре буенча эшләү керә. Тиешле шартларга туры килгән очракта, гражданнарның аерым категорияләре өчен пенсиягә вакытыннан алда чыгу мөмкинлеге саклана, дип сүзен төгәлләде Виноградов.