Уфа Шигере авылында Урал татарлары фольклорын туплауга багышланган кичә булды
Уфа Шигере авылында «Урал фольклоры ассамблеясе – татар мәдәнияте территориясе» проекты кысаларында фольклор туплауга юнәлтелгән чара булды. Ул «Коммерцияле булмаган социаль юнәлешле оешмаларга ярдәм итү республика ресурс үзәге» коммерцияле булмаган автономияле оешма ярдәме белән оештырыла. Бу хакта Бөтендөнья татар конгрессы хәбәр итә.
Без озак яшәүче өлкән кешеләрдән уникаль хикәяләр һәм җырлар язып алдык, бик күп фотолар һәм видеолар ясадык. Моннан тыш, безнең команда җыелган фольклор мотивлары буенча сәхнәләштерелгән тамашалар күрсәтте, шул рәвешле аны халыкка аңлаешлы формада җиткерде. Барлык материаллар цифрлаштырылды һәм ВКонтакте социаль челтәрендәге төркемебездә урнаштырылды. Бу татарларның мәдәни мирасын сакларга мөмкинлек бирәчәк, һәм барлык буыннар аның белән таныша алачак, диелә хәбәрдә.