Һава шартлары бозылу сәбәпле, Санкт-Петербургта 33 самолет запас аэродромнарга киткән
Санкт-Петербургка очучы 33 самолет резерв аэродромнарда (башлыча Мәскәүдәге) төшеп утырды, дип хәбәр итте Росавиация. Көчле кар яву сәбәпле, Пулково аэропорты вакытлыча рейслар кабул итми һәм җибәрми.
Моңарчы Пулково аэропорты матбугат хезмәте вәкилләре һава торышы шартлары начар булу сәбәпле тоткарланган рейсларның пассажирлары су белән тәэмин ителәчәк, дип белдерде.
Элегрәк «Татар-информ» хәбәр иткәнчә, Казаннан Пулково аэропортына очучы өч авиарейс көчле кар яву сәбәпле тоткарланган. Шулай ук Санкт-Петербургтан Казанга очучы ике самолет тоткарлану турында хәбәр ителә.