Татарстанда пилотсыз очу аппаратлары һөҗүм итү куркынычын гамәлдән чыгардылар
Гадәттән тыш хәлләр министрлыгы 9.40 сәгатьтә пилотсыз очу аппаратлары һөҗүм итү куркынычын гамәлдән чыгарды, ул Татарстанда 06.00 сәгатьтә кертелгән иде. Хәбәр Россия Гадәттән тыш хәлләр министрлыгының рәсми кушымтасына килде.
Искәртеп узабыз, бүген татарстанлылар пилотсыз очу аппаратлары һөҗүм итү куркынычы турында һәм өйдән чыкмаска киңәш иткән хәбәр алды. Республикада аэропортлар ябылуы турында мәгълүмат килмәде, әмма Казан аэропортының онлайн-таблосы мәгълүматларыннан күренгәнчә, Санкт-Петербургка ике рейсны тоткарлаганнар. Самолетлар 07.45 һәм 09.00 сәгатьләрдә очарга тиеш булган, авиарейсларны 15.00 һәм 11.45 сәгатькә күчергәннәр.