Нью-Йорк – Ташкент рейсы самолеты Казан аэропортында төшеп утырырга мәҗбүр булган
Бүген 06:03 сәгатьтә «Казан» аэропортында Нью-Йорк – Ташкент маршруты буенча очкан самолет төшеп утырырга мәҗбүр булган. Бу хакта «Татар-информ»га Казан аэропортының матбугат хезмәтендә хәбәр иттеләр.
Аэропортның матбугат хезмәтендә хәбәр итүләренчә, 08:40 сәгатьтә борт маршрут буенча хәрәкәтен дәвам иткән.
Кайбер мәгълүматлар буенча, пассажирларның берсе исерек килеш җәнҗал чыгарган. Ир-атны рейстан төшергәннән соң, самолет очуын дәвам иткән. Әлеге хәлнең нечкәлекләре ачыклана.