Дәүләт Думасы депутаты Топилин: БРИКСны ныгытуда Татарстан зур роль уйнады
БРИКСны көчәйтүдә Татарстанның роле зур. Бу хакта Дәүләт Думасының Икътисади сәясәт комитеты рәисе Максим Топилин белдерде. Шул рәвешле ул РФ тышкы эшләр министры Сергей Лавровның Казандагы БРИКС саммитыннан соң берләшүне ныгыту турындагы сүзләрен шәрехләде.
«Бу эштә кабул итүче як - Татарстан Хөкүмәтенең да роле зур, дип саныйм. Ул халыкара масштабтагы чараны оештыруның югары дәрәҗәсен күрсәтте. Моннан тыш, республика, үзенең потенциалын күрсәтеп, БРИКС әгъзалары белән хезмәттәшлек таба һәм үстерә», - диде депутат.
Ул искәрткәнчә, Татарстан Көнчыгыш Азия һәм Якын Көнчыгыш илләре белән мөнәсәбәтләрне актив үстерә. Хезмәттәшлек шул исәптән партнерлык финанславы линиясе буенча да гамәлгә ашырыла.
«Профессиональлек, актуаль таләпләргә оператив җавап бирә белү һәм стандарт булмаган чишелешләр табу — Татарстан җитәкчелеге күрсәткән уңышның бер нигезе», - диде Топилин.