«Күңелем сәйләннәре» III төбәкара онлайн шигырь укучылар бәйгесенә старт бирелде
Татнетны үстерү фонды белән партнерлыкта «Алтын хыял» оештырган «Күңелем сәйләннәре» III төбәкара онлайн шигырь укучылар бәйгесенә старт бирелде. Әлеге бәйге Россия төбәкләрендә яшәүче 3 яшьтән 7 яшькә кадәр балалар арасында үткәрелә. Бу хакта Татнетны үстерү фонды хәбәр итә.
Бәйгенең максаты: мәктәпкәчә яшьтәге балаларның, аларны тәрбияләүче педагогларның һәм балаларның ата-аналарының иҗади мөмкинлекләрен ачуга ярдәм итү, татар теленә, әдәбиятка, шигърияткә кызыксыну уяту.
Бәйге 2025 елның 20 гыйнварыннан 22 мартка кадәр үткәрелә, гаризалар 28 февральгә кадәр кабул ителә.