Бөтендөнья татар конгрессы «Солдат альбомы-2025» конкурсын игълан итә
Бөтендөнья татар конгрессы «Солдат альбомы-2025» конкурсын игълан итә. Бу хакта конгресс сайтында хәбәр ителә.
Конкурска старт 2025 елның 1 февралендә бирелә. Ул 18 февраль көнне тәмамлана.
«Солдат альбомы-2025» конкурсының максаты – яшь буынны тарихыбызның иң катлаулы, әмма иң данлы чорлары белән таныштыру, ветераннарның батырлыгын һәм хезмәтен онытмау, аларның күренекле шәхесләр булуын һәм җәмгыятькә кертелгән өлешен бәяләү, диелә хәбәрдә.
Конкурс нәтиҗәләре 23 февраль – Ватанны саклаучылар көнендә игълан ителәчәк.
Мәгълүмат Бөтендөнья татар конгрессы сайтында һәм Вконтакте социаль челтәрендәге «Солдат альбомы-2025» төркеменә урнаштырыла.