Махсус хәрби операциягә үзе теләп китүчеләрне бюрократиядән азат итәчәкләр
Махсус хәрби операциягә үзе теләп китүчеләр сугыш хәрәкәтләре ветераны таныклыгын гариза бирмичә генә ала алачак. РФ Хөкүмәтенең шул хактагы карары 2 февральдән гамәлгә керде, дип яза «Парламентская газета».
Таныклык алу өчен кирәкле документларны хәрби комиссариатка базасында иреклеләр берләшмәсе оештырылган хәрби часть җибәрәчәк. Төбәк хәрби комиссариатлары, алынган мәгълүматларны тикшереп, таныклык бирү турында карар кабул итәчәк.
Документны хәрби операциягә үзе теләп китүче, аның туганнары яки ышаныч язуы буенча башка кешеләр алачак. Әлеге таныклык сугыш хәрәкәтләре ветераны статусын раслаячак һәм ташламаларга ия булу хокукын бирәчәк.